Канцэпцыя ўстойлівага развіцця
Мы ў STADA шануем і цэнім сваіх супрацоўнікаў, інвестараў, партнёраў, спажыўцоў і супольнасці, у якіх працуем, а таксама беражліва ставімся да навакольнага асяроддзя. Кожны з нас пастаянна імкнецца аказваць станоўчы ўплыў на навакольны свет, надаючы асаблівую ўвагу прынцыпам сваёй дзейнасці і жыцця ў цэлым.
Клопат пра здароўе людзей
Прадмова галоўнага выканаўчага дырэктара
STADA AG Пітэра Гольдшмідта
Адданасць STADA ідэям устойлівага развіцця шчыльна звязана з місіяй Групы – клапаціцца пра здароўе людзей у якасці надзейнага партнёра. Рабіць усё магчымае для забеспячэння ўстойлівай прадпрымальніцкай дзейнасці і развіцця, аказваючы станоўчы ўплыў на людзей і іх здароўе, эканоміку і навакольнае асяроддзе – гэтыя прынцыпы цалкам адпавядаюць стратэгічным прыярытэтам Групы, а таксама нашым чатыром карпаратыўным каштоўнасцям: прыстойнасці, адаптыўнасці, прадпрымальніцтву і Адна STADA. І мы імкнёмся кожны дзень увасабляць гэтую мэту, гэтыя прыярытэты і каштоўнасці ў жыццё. Для нас клопат пра здароўе людзей значыць больш, чым падтрымка прафілактыкі і лячэння з дапамогай поўнага асартыменту якасных, надзейных і даступных фармацэўтычных прадуктаў STADA. Ён уключае ў сябе і павышэнне інфармаванасці людзей пра магчымасці клопату пра ўласнае здароўе і здаровы лад жыцця, а таксама падтрымку дзяржаўных сістэм аховы здароўя. Больш за тое, мы лічым сваім абавязкам дзейнічаць як адказныя грамадзяне – і як асобы, і як каманда, і як супольнасць.
З распаўсюджаннем COVID-19 і ў ходзе барацьбы з гэтай пандэміяй сучаснасці грамадства ўсвядоміла значнасць моцнага здароўя і высокага імунітэту.
Будучы адказнай у пытаннях аховы здароўя чалавека, STADA надае адмысловую ўвагу ўстойліваму развіццю і публікуе першую глабальную справаздачу пра сваю дзейнасць у гэтай сферы.
STADA ва ўсім свеце імкнецца адпавядаць прынцыпам устойлівага развіцця. Мы заклікаем вас пераняць наш прыклад і пастарацца зрабіць свой уласны ўнёсак ва ўстойлівае развіццё.
STADA стала ўдзельнікам Глабальнага дагавора ААН у 2021 годзе дзеля таго, каб зрабіць свой унёсак у глабальнае ўстойлівае развіццё за кошт выканання Павесткі дня ў галіне ўстойлівага развіцця на перыяд да 2030 года і мэт устойлівага развіцця ААН (МУР).
У межах 17 МУР мы вылучылі пяць мэт, у дасягненне якіх мы робім свой унёсак, у тым ліку сумесна з нашымі стэйкхолдарамі. Сярод гэтых мэт STADA надае адмысловую ўвагу МУР нумар 3 – забеспячэнню моцнага здароўя і дабрабыту, што адпавядае нашай місіі: клапаціцца пра здароўе людзей у якасці надзейнага партнёра.
Даследаванне паказвае: у той час як 60% спажыўцоў лічаць, што яны могуць (з пазіцыі ўстойлівага развіцця) змяніць свет да лепшага сваім выбарам і дзеяннямі, толькі 10% кампаній могуць паспяхова камунікаваць з імі. STADA імкнецца патрапіць у лік гэтых кампаній. Дапамагаючы людзям клапаціцца пра сваё здароўе і зберагаць яго пры непасрэднай падтрымцы медыцынскіх работнікаў ці без яе, мы стараемся рабіць значны ўнёсак у паляпшэнне здароўя.
На ўсіх узроўнях кампаніі STADA ўстойлівае развіццё непарыўна звязана з працэсам нашага няспыннага росту. Важна, што мы імкнёмся пастаянна ўдасканальвацца і працаваць лепш для сябе, для нашых кліентаў і партнёраў, для грамадства ў цэлым і для планеты. Змены да лепшага пачынаюцца з кожнага з нас. Мы запрашаем вас далучыцца да STADA на шляху ўстойлівага развіцця.
ІНФАРМАЦЫЯ ПРА КАМПАНІЮ
Кароткі агляд дзейнасці Групы STADA ў 2021 годзе
20 вытворчых пляцовак у 11 краінах.
EBITDA 776.5 (+37%), (+37%), рэнтабельнасць па 23.9% (+5.0%)
Валавы прыбытак 1 544,0 (+3%), валавая рэнтабельнасць 47.5% (-2.3%).
13 млрд адзінак
637 мільёнаў упаковак выраблена на ўласных прадпрыемствах
Без паглынання і зліцця 253.0
Набыццё 123.7
У адпаведнасці з прыярытэтнымі кірункамі дзейнасці, місіяй і каштоўнасцямі STADA арыентуецца на 17 распрацаваных ААН Мэт устойлівага развіцця (МУР), у дасягненне якіх Група робіць значны ўнёсак.
Забеспячэнне здаровага ладу жыцця і спрыянне дабрабыту ўсіх у любым узросце.
Што гэта азначае для STADA:
Для STADA ўстойлівае развіццё азначае ўмацаванне здароўя і павышэнне ўзроўню дабрабыту (МУР 3). Гэты прынцып знаходзіць адлюстраванне ў місіі STADA і рэалізуецца дзякуючы шырокаму асартыменту прадукцыі, які мы прапануем пацыентам. А таксама актуальным рэкамендацыям, якія мы даём у межах асветніцкай працы
Стварэнне трывалай інфраструктуры, садзейнічанне ўстойлівай індустрыялізацыі і ўкараненне інавацый..
Што гэта азначае для STADA:
Імкнучыся палепшыць здароўе спажыўцоў, STADA сумесна з супрацоўнікамі, удзельнікамі дзейнасці і мясцовымі супольнасцямі пастаянна ўдасканальвае асартымент і інфраструктуру сваёй прадукцыі (МУР 9).
Спрыянне паступальнаму, інклюзіўнаму і ўстойліваму эканамічнаму росту, поўнай і прадукцыйнай занятасці і годнай працы для ўсіх.
STADA імкнецца стварыць для сваіх супрацоўнікаў спрыяльную працоўную атмасферу і справядлівыя ўмовы працы. Гэта дапамагае дасягнуць значнага эканамічнага росту (МУР 8).
Забеспячэнне пераходу да рацыянальных мадэляў спажывання і вытворчасці.
Каб дабіцца пазітыўных змен у галіне экалагічнага, сацыяльнага і карпаратыўнага кіравання (ESG), STADA вызначае ўласныя мэты і забяспечвае выкананне нарматыўных патрабаванняў, імкнучыся пры гэтым павысіць устойлівае развіццё сваёй дзейнасці (МУР 12).
Умацаванне сувязей і актывізацыя працы ў межах глабальнага партнёрства ў інтарэсах устойлівага развіцця.
Што гэта азначае для STADA: STADA актыўна вядзе дыялог з ключавымі партнёрамі і заключае новыя партнёрствы, каб дасягнуць мэт устойлівага развіцця, на якія арыентуецца ў сваёй працы (МУР 17).
МУР 3
ЗДАРОЎЕ І ДАБРАБЫТ: STADA як партнёр у галіне аховы здароўя
Унёсак STADA ў дасягненне МУР 3 заключаецца ў стварэнні і прапанове эфектыўнага партфеля дзейсных і даступных фармацэўтычных прэпаратаў.
Даступнасць фармацэўтычнай прадукцыі наўпрост уплывае на здольнасць як сістэмы аховы здароўя, так і саміх пацыентаў вырашаць разнастайныя праблемы са здароўем, удасканальваць прафілактыку захворванняў і прытрымлівацца здаровага ладу жыцця. У прыватнасці, як вытворца генерыкаў STADA прапануе кліентам прэпараты, якія валодаюць той жа эфектыўнасцю і якасцю, як і арыгінальныя, але па больш даступным кошце
STADA — глобальный партнер в области здравоохранения:
- Фармацэўтычная прадукцыя прадаецца ў 120 краінах
- Супрацоўніцтва ў партнёрамі па ўсім свеце
- Уласныя вытворчыя пляцоўкі ў 11 краінах
У той жа час асветніцкая дзейнасць у галіне здаровых звычак і ладу жыцця накіравана на папулярызацыю прафілактычных мер для ўмацавання здароўя і зніжэння рызык. STADA дэманструе сваю адданасць асвеце людзей, публікуючы інфармацыю, звязаную з аховай здароўя, у тым ліку такія матэрыялы, як:
- Вынікі даследавання STADA Health Report, якое праводзіцца з 2014 года. Штогод мы вывучаем стаўленне людзей да ўласнага здароўя, іх патрэбы, стратэгіі паводзінаў і веды ў гэтай сферы. Гэтае апытанне набыло статус міжнароднага пачынаючы з 2018 года.
- STADA вядзе агульнадаступны блог, актыўна выкарыстоўвае вэб-сайт кампаніі і магчымасці сацыяльных сетак для папулярызацыі ведаў па разнастайных тэмах, звязаных са здароўем.
- Нядаўна STADA дапоўніла свой вэб-сайт раздзелам «Гісторыі», прысвечаным адукацыі ў сферы прафілактыкі здароўя і папулярызацыі здаровага ладу жыцця і дабрабыту.
STADA імкнецца зрабіць заканадаўчую базу зыходным пунктам для сваёй дзейнасці, намагаючыся быць адкрытай, даступнай і этычнай кампаніяй, дзейнічаючы ў адпаведнасці са сваімі карпаратыўнымі каштоўнасцямі. Фармацэўтычны маркетынг патрабуе датрымання этычных нормаў пры прадастаўленні інфармацыі, звязанай з прадуктамі STADA. Апрача датрымання юрыдычных нормаў, такую інфармацыю неабходна старанна правяраць, абгрунтоўваць і падмацоўваць спасылкамі на адпаведныя навуковыя даследаванні
Падчас пандэміі COVID-19 STADA здолела задаволіць рост попыту на лекі і іншую прадукцыю медыцынскага прызначэння, адначасова акцэнтуючы ўвагу на важнасць умацавання імунітэту і здароўя.
МУР 8
ГОДНАЯ ПРАЦА І ЭКАНАМІЧНЫ РОСТ: STADA як адзін з найлепшых працадаўцаў
STADA імкнецца стварыць такія ўмовы працы, якія матывуюць і падтрымліваюць супрацоўнікаў, садзейнічаюць захаванню іх здароўя, а таксама забяспечыць адэкватную заработную плату. Кампанія надае нямала ўвагі развіццю супрацоўнікаў, і ў Германіі атрымала ўзнагароду Top Employer 2021 як найлепшы працадаўца. Каб прыцягнуць і ўтрымаць найлепшых спецыялістаў, STADA не толькі прытрымліваецца сваёй місіі, бачання і каштоўнасцей, але і імкнецца забяспечыць работнікаў цэлым шэрагам сацыяльных і грашовых ільгот.
Міжнародная «сям'я» STADA аб'ядноўвае больш як 13 000 супрацоўнікаў у больш як 50 краінах.
STADA распрацавала ўласны падыход на навучання, які ўключае тры асноўныя кампаненты: навучанне на працоўным месцы, сацыяльнае навучанне і фармальнае навучанне. У святле таго, што большасць супрацоўнікаў кампаніі складаюць міленіялы, STADA імкнецца стварыць матывуючае і дынамічнае працоўнае асяроддзе.
- Развіццёвыя працоўныя задачы
- Крос-функцыянальнае ўзаемадзеянне
- Спецыяльныя праекты
- Супольнасці
- Выкарыстанне сеткі кантактаў
- Коўчынг
- Ментарынг
- Усебаковая зваротная сувязь ад STADA
- Праграмы прафесійнага навучання
- Электроннае навучанне
- Канферэнцыі
- Сертыфікацыя
Базавае медыцынскае абслугоўванне супрацоўнікаў STADA ажыццяўляецца знешнімі дактарамі кампаніі або спецыялістамі па гігіене працы і ўключае абавязковыя медыцынскія агляды і дадатковыя добраахвотныя медыцынскія агляды.
У 2021 годзе STADA актыўна займалася праблемамі ментальнага здароўя і прыкладала намаганні, каб падтрымліваць і ўмацоўваць ўзаемадзеянне супрацоўнікаў і цэлых аддзелаў ва ўмовах жорсткіх патрабаванняў працы з дому ў адпаведнасці з мерамі прафілактыкі COVID-19. Адным з новаўвядзенняў стала глабальная ініцыятыва кіраўніцтва STADA па абмене інфармацыяй і ідэямі, звязанымі з псіхалагічнай устойлівасцю, на мадэруемых прафесіяналамі сесіях.
STADA імкнецца даваць роўныя магчымасці ўсім супрацоўнікам, а таксама адзначаць і ўзнагароджваць іх за асабісты ўнёсак і прафесійныя дасягненні
STADA імкнецца стварыць каманду роўных, дзе кожны мае аднолькавыя магчымасці незалежна ад гендарнай прыналежнасці, узросту, паходжання, роднасных сувязяў і г. д., а поспех вызначаецца вынікамі прафесійнай дзейнасці і калегіяльнымі адносінамі з іншымі членамі каманды
Што тычыцца прадастаўлення роўных магчымасцей жанчынам і мужчынам, STADA надае вялікае значэнне збалансаванаму прадстаўніцтву абодвух палоў. Аднак пры прызначэнні на кіруючыя пасады на першае месца заўжды ставяцца прафесійныя і асабістыя якасці кандыдатаў, а не іх пол. Першай жанчынай у складзе савета дырэктараў стала Сімон Бергер, прызначаная ў 2021 годзе дырэктарам па кіраванні персаналам
На буйнейшых вытворчых пляцоўках кампаніі ў Туіхаа (В'етнам) і Ніжнім Ноўгарадзе (Расія) у 2021 годзе кіраўнікамі прадпрыемстваў сталі жанчыны – відавочны прыклад таго, як STADA заахвочвае імкненне жанчын займаць кіруючыя пасады ў вытворчым асяроддзі, дзе традыцыйна пераважаюць мужчыны.
| Гендарная квота | Усяго | Вышэйшае кіраўніцтва |
КІраўніцтва сярэдняга звяна |
Лінейнае кіраўніцтва |
|---|---|---|---|---|
| Жанчыны на кіруючых пасадах | 52% | 29% | 54% | 55% |
На ўзроўні вышэйшага кіраўніцтва 75% членаў міжнароднай групы кіраўнікоў STADA Global Leadership Team (SGLT), чые мандаты былі актыўнымі ў 2021 годзе, запрошаны на працу ў сваёй роднай краіне або з'яўляюцца грамадзянамі сваіх родных краін. Такі падыход адлюстроўвае намеры STADA наймаць мясцовых экспертаў, прызнаючы іх кваліфікацыю.
STADA вядзе актыўную міжнародную дзейнасць, таму этнакультурная разнастайнасць (diversity) з'яўляецца для Групы важным прынцыпам. Яна заахвочвае максімальнае выкарыстанне супрацоўнікамі сваіх унікальных якасцяў і лічыць гэта залогам поспеху ва ўмовах культуры развіцця.
МУР 9
ІНДУСТРЫЯЛІЗАЦЫЯ, ІНАВАЦЫІ І ІНФРАСТРУКТУРА: устойлівае развіццё на падставе ўдасканальвання партфеля прадуктаў
Імкнучыся ўмацаваць здароўе спажыўцоў, STADA сумесна з супрацоўнікамі, стэйкхолдарамі і мясцовымі супольнасцямі пастаянна ўдасканальвае свой прадуктовы партфель і інфраструктуру вытворчасці. Нягледзячы на тое, што першапачаткова асноўным кірункам дзейнасці STADA была вытворчасць генерыкаў, вытворчыя працэсы кампаніі прадугледжваюць шырокія магчымасці для інавацый, развіцця і абнаўлення партфеля прадукцыі (які ўключае спецыялізаваныя і прэпараты сегмента Consumer Healthcare), а таксама для пастаяннага паляпшэння інфраструктуры кампаніі. Адзін з асноўных аспектаў дасягнення МУР 9 супадае з асноўным кірункам дзейнасці STADA – вытворчасцю даступных, эфектыўных і якасных лекаў. Гэта вымагае здольнасці гнутка рэагаваць на патрэбы рынку, арыентаванага па падтрымку дзяржаўных сістэм аховы здароўя. Для STADA гэта, як правіла, азначае яшчэ і неабходнасць трансферу тэхналогій і ўнікальнага вытворчага вопыту на ўсе 20 вытворчых пляцовак у 11 краінах, а таксама пастаянныя інвестыцыі ва ўдасканальванне сваёй прадукцыі.
На 31 снежня 2021 года прадукцыя STADA прайшла звыш за 1900 працэдур рэгістрацыі, якія тычыліся больш як 160 актыўных фармацэўтычных субстанцый і камбінацый у больш як 55 краінах.
Пра кампетэнтнасць і важную ролю STADA ў сферы аховы здароўя сведчыць таксама наяўнасць прадуктаў ў Прыблізным пераліку жыццёва важных лекавых сродкаў СААЗ. Ва ўсім свеце, уключаючы краіны з рынкамі, якія фарміруюцца, генерыкі забяспечваюць больш шырокую даступнасць лекаў насельніцтву. Цанавая канкурэнцыя, якая ўзнікае ў выніку з'яўлення на рынку генерыкаў, дазваляе пры тых жа выдатках лячыць большую колькасць пацыентаў. У 2021 годзе група STADA, якая займаецца рознічнымі продажамі генерыкаў у Расіі, працягнула забяспечваць рост фінансавых паказчыкаў, павялічваючы пры гэтым долю рынку ў такіх высокаканкурэнтных катэгорыях, як прэпараты, якія зніжаюць узровень халестэрыну, у тым ліку азілсартану медаксаміл.
STADA ўжо шмат гадоў актыўна працуе ў сферы спецыялізаванай фармацэўтыкі, дэманструючы высокія здольнасці да інавацый і супрацоўніцтва. STADA таксама ўваходзіць у пяцёрку буйнейшых кампаній на рынку Consumer Healthcare па аб'ёмах продажаў у Еўропе і з'яўляецца адным з дзесяці галоўных пастаўшчыкоў безрэцэптурных прэпаратаў у свеце.
У межах санітарна-асветніцкай працы, накіраванай на прафілактыку захворванняў, STADA актыўна выкарыстоўвае наяўныя платформы лічбавай камунікацыі, каб дапамагчы пацыентам і спажыўцам прымаць усвядомленыя рашэнні, датычныя кантролю і аховы здароўя. Для гэтага, у прыватнасці, выкарыстоўваецца аналітычная інфармацыя пра погляды і стылі паводзінаў насельніцтва ў дачыненні да медыцынскага абслугоўвання, атрыманая ў працэсе даследавання STADA Health Report.
Напрыканцы 2021 года была прынятая новая стратэгія выкарыстання экалагічнай упакоўкі, прызначаная для кіравання дзейнасцю па ўпакоўцы прадукцыі ў маштабах усёй Групы. Яе мэта заключаецца ў тым, каб па меры магчымасці зрабіць упакоўку больш экалагічнай. Кампанія прызнае, што ў дадзенай сферы ёсць значны патэнцыял для магчымых і неабходных паляпшэнняў.
Адказнасць STADA як вытворцы фармацэўтычнай прадукцыі залежыць ад шчыльнага ўзаемадзеяння з пастаўшчыкамі. STADA рупліва падыходзіць да выбару партнёраў, супрацоўнічае толькі з добрасумленнымі контрагентамі.
Група мае тры асноўныя цэнтры забеспячэння, якія кіруюцца STADA Arzneimittel AG: у Бад-Фільбеле (Германія), у Вршацы (Сербія) і ў Маскве (Расія). У іх ажыццяўляецца цэнтралізаванае планаванне патрэб для вытворчасці асобных відаў прадукцыі Групы. STADA пастаянна інвестуе сродкі ва ўласныя вытворчыя магутнасці і даследчыя лабараторыі. Інвестыцыі ў пашырэнне і мадэрнізацыю вытворчых пляцовак і даследчых лабараторый, якія ажыццяўляюцца пад кіраўніцтвам службы глабальных закупак, у справаздачным 2021 годзе дасягнулі 65,7 мільёна еўра (у папярэднім годзе яны склалі 42,5 мільёна еўра).
Паколькі даступнасць фармацэўтычнай сыравіны абмежаваная, найважнейшымі патрабаваннямі пры закупцы фармацэўтычных прэпаратаў з'яўляюцца адаптыўнасць, гнуткасць і руплівае планаванне. Абмежавальныя меры, уведзеныя ў сувязі з пандэміяй COVID-19, яшчэ мацней ускладнілі доступ да сыравіны, у той час як роля STADA для падтрымкі міжнароднай аховы здароўя значна ўзрасла. Празрыстыя дзелавыя адносіны з існымі і патэнцыйнымі пастаўшчыкамі – гэта важны фактар пры закупках, які забяспечвае роўныя магчымасці для ўсіх, незалежна ад рэгіёна. У закупках STADA ў 2021 годзе можна вылучыць наступныя шматузроўневыя катэгорыі матэрыялаў:
| Група матэрыялаў (2021) | Агульная доля (%, колькасць) |
|---|---|
| Сыравіна | 18.2% |
| Нерасфасаваная прадукцыя | 19.6% |
| Паўпрадукты | 4.8% |
| Упакоўка | 47.0% |
| Гатовыя лекавыя прэпараты | 10.4% |
У 2021 годзе для вытворчасці складаных каробак было выкарыстана 1293,9 т перапрацаванага кардону, што адпавядае 61% ад іх агульнай колькасці:
Якасць і бяспечнасць прадукцыі для здароўя маюць для STADA найважнейшае значэнне. Стандарты фармацэўтычнай прамысловасці з'яўляюцца для STADA зыходным пунктам. Кампанія не ідзе ні на якія кампрамісы, калі вядзецца пра якасць і бяспечнасць на ўсіх этапах вытворчасці, ад сыравіны да распаўсюджання гатовай прадукцыі.
Каб гарантаваць бяспечнасць і якасць прадукцыі пры распрацоўцы лекавых прэпаратаў, STADA жорстка выконвае заканадаўчыя патрабаванні і рэкамендацыі, у тым ліку лакальна з улікам патрабаванняў законаў адпаведных дзяржаў. Апрача таго, пры планаванні і правядзенні клінічных даследаванняў Група жорстка прытрымліваецца Належнай клінічнай практыкі (GCP) — міжнароднага этычнага і навуковага стандарту планавання і правядзення даследаванняў з удзелам чалавека ў якасці суб'екта, а таксама дакументальнага афармлення і прадстаўлення вынікаў такіх даследаванняў.
У межах глабальнай сістэмы забеспячэння фармацэўтычнай бяспекі Групы, або Глабальнай сістэмы фармакалагічнага нагляду STADA, праводзіцца маніторынг бяспечнасці ўсіх фармацэўтычных прэпаратаў STADA па ўсім свеце шляхам збору і ацэнкі інфармацыі пра любыя зарэгістраваныя фармацэўтычныя рызыкі. Пры гэтым даччыны кампаніі STADA працуюць у адпаведнасці са стандартнымі працэдурамі, усталяванымі дэпартаментам карпаратыўнага фармаканагляду.
МУР 12
12 АДКАЗНАЕ СПАЖЫВАННЕ І ВЫТВОРЧАСЦЬ: дзейнічаць адказна цяпер дзеля дабрабыту ў будучыні
Будучы вытворцам фармацэўтычнай прадукцыі і харчовых дадаткаў, STADA аказвае ўздзеянне на навакольнае асяроддзе, спажываючы прыродныя рэсурсы і выклікаючы ўтварэнне парніковых газаў, сцёкавых вод і адходаў. Таму Група ўсяляк імкнецца скарачаць і мінімізаваць гэта негатыўнае ўздзеянне за кошт жорсткага выканання экалагічных нормаў і пастаяннага ўдасканальвання сваіх вытворчых працэсаў.
У 2021 годзе STADA пачала рэалізацыю стратэгічнага экалагічнага праекта, накіраванага на скарачэнне выкідаў парніковых газаў. Групы прыняла рашэнне падтрымаць абмежаванне глабальнага пацяплення на ўзроўні 1,5 °C. У гэтай сувязі STADA паставіла за мэту да 2030 года абмежаваць ўласныя абсалютныя выкіды парніковых газаў (ПГ) (катэгорый 1 і 2) на 42% у параўнанні з 2020-м годам.
За перыяд з 2020 да 2021 года STADA скараціла выкіды ПГ на 13% – са 132 кт CO2 да 115 кт CO2, а значыць, зможа дасягнуць агульных мэтавых паказчыкаў скарачэння ў вызначаны тэрмін. У 2021 годзе STADA павялічыла долю энергіі з узнаўляльных крыніц у агульных энергазатратах дзякуючы набыццю сертыфікатаў атрыбутаў энергіі (EAC), якія сведчаць атрыманне электраэнергіі з узнаўляльных крыніц, што дазволіла знізіць выкіды CO2 катэгорыі 2.
Энергія неабходная для вытворчасці, і яе эфектыўнае выкарыстанне – адна з асноў стратэгічнага плана па зніжэнні выкідаў дыяксіду вугляроду. З 2020 па 2021 год спажыванне энергіі ўзрасло на 6% — з 312 тыс. МВт-г да 331 тыс. МВт-г, у асноўным праз павелічэнне аб'ёмаў вытворчасці. Вызначэнне і рэалізацыя мер па скарачэнні спажывання энергіі і павышэнне энергаэфектыўнасці ў STADA — добра наладжаны механізм. У 2021 годзе інвестыцыі ў мерапрыемствы па павышэнні энергаэфектыўнасці былі накіраваныя, у прыватнасці, на мадэрнізацыю кацельных на вытворчай пляцоўцы ў Ніжнім Ноўгарадзе, а таксама на ўсталёўку ўнутранага і вонкавага святлодыёднага асвятлення на некалькіх пляцоўках.
У 2021 годзе STADA пачала пераход на ўзнаўляльныя крыніцы электраэнергіі, знаходзячы магчымасці для ўдасканальвання ў гэтай галіне.
МУР 17
ПАРТНЁРСТВА Ў ІНТАРЭСАХ УСТОЙЛІВАГА РАЗВІЦЦЯ: STADA як надзейны партнёр
STADA актыўна вядзе дыялог з ключавымі партнёрамі і заключае новыя партнёрствы, каб дасягнуць мэт устойлівага развіцця, на якія арыентуецца ў сваёй працы. Карпаратыўныя каштоўнасці STADA, адлюстраваныя таксама ў Кодэксе карпаратыўнай этыкі, вызначаюць мадэлі канструктыўных паводзінаў, якія распаўсюджваюцца на ўсіх супрацоўнікаў Групы. Кодэкс карпаратыўнай этыкі STADA – базавая палітыка, якая змяшчае рэкамендацыі, як паводзіць сябе супрацоўнікам пры ўзнікненні юрыдычных або этычных складанасцяў, – між іншага ўтрымлівае правілы ўзаемадзеяння супрацоўнікаў адно з адным і трэцімі асобамі, а таксама правілы, датычныя прыязнага і цярпімага стаўлення, павагі і недапушчэння дыскрымінацыі.
У справаздачным 2021 годзе кампанія STADA дасягнула наступных фінансавых вынікаў:
| Справаздачныя дадзеныя па Групе, млн еўра | 2020 | 2021 | ± |
|---|---|---|---|
| Аб'ём продажаў Групы | 3,010.3 | 3,249.5 | +8% |
| Генерыкі | 1,304.4 | 1,326.8 | +2% |
| Безрэцэптурныя прэпараты | 1,120.4 | 1,284.0 | +15% |
| Спецыялізаваныя прэпараты | 585.5 | 638.7 | +9% |
| EBITDA | 568.2 | 776.5 | +37% |
| Рэнтабельнасць па EBITDA | 18.9% | 23.9% | +5.0pp |
| Валавы прыбытак ад рэалізацыі | 1,499.9 | 1,544.0 | +3% |
| Валавая рэнтабельнасць | 49.8% | 47.5% | -2.3pp |
| Грашовы паток ад аперацыйнай дзейнасці | 405.9 | 598.2 | +47% |
| Інвестыцыі | 1,455.1 | 385.7 | -73% |
| З іх без уліку паглынання і зліцця | 227.9 | 253.0 | +11% |
| З іх у набытак | 1,227.2 | 253.0 | -89% |
| Агульны аб'ём вытворчасці (унутранай) | 2020 | 2021 |
|---|---|---|
| Вытворчасць (МЛН УПАКОВАК) | 681 | 637 |
| ВЫТВОРЧАСЦЬ (МЛН АДЗІНАК) | 13,032 | 13,022 |
|
Заўвага:
На паказчыкі аб'ёму вытворчасці, злічоныя як ва ўпакоўках, так і ў адзінках, паўплывалі пандэмія і ваганні попыту. У выніку ўплыву ўсіх знешніх фактараў STADA прадоўжыла аптымізаваць вытворчыя працэсы і планаванне. |
||
| Спажыванне рэсурсаў1 | 2020 | 2021 |
|---|---|---|
| Спажыванне электраэнергіі (МВт-г) | 139,332 | 137,757 |
| Энергія ўласнай вытворчасці з узнаўляльных крыніц/(МВт-г) | 0 | 3,168 |
| Энергія з выкапнёвага паліва і пакупная энергія з цеплавых сетак/(МВт-г) | 172,646 | 189,889 |
| Агульнае водаспажыванне (м3) | 954,714 | 996,969 |
| Водаспажыванне ў раёнах з вострым дэфіцытам вады (%)2 | 36,561 (4%) | 40,154 (4%) |
|
Заўвага:
1 Нягледзячы на высокую ступень аптымізацыі вытворчых працэсаў, мясцовыя ўмовы надвор'я, працэдуры вытворчасці і пандэмія каранавірусу аказалі змешаны ўплыў на спажыванне ўсіх асноўных рэсурсаў. 2 Паводле ацэнак, атрыманых пры дапамозе інструмента WRI Aqueduct Water Risk Atlas, вытворчыя пляцоўкі ў гарадах Бад-Фільбель, Ітэрзен і Гановер (Германія) і раёне Міюнь (Кітай) размешчаны ў раёнах з вострым або надзвычай вострым дэфіцытам вады. |
||
| Агульнае энергаспажыванне за ўпакоўку (унутраная вытворчасць) | 2020 | 2021 |
|---|---|---|
| Мвт-г/1 млн упаковак (унутраная вытворчасць) | 458.1 | 519.3 |
|
Заўвага:
Пандэмія каранавірусу адбілася на эфектыўнасці вытворчасці і часе прастояў, у выніку чаго ўзрасло энергаспажыванне на 1 мільён упаковак. Разлікі ажыццяўляліся на падставе колькасці ўпаковак уласнай вытворчасці з улікам перамяшчэнняў прадукцыі паміж вытворчымі пляцоўкамі і адзінымі ўпаковачнымі цэнтрамі. |
||
| GHG emissions / (tCO2 eq) | 2020 | 2021 |
|---|---|---|
| Катэгорыя 11 | 38,202 | 38,116 |
| Катэгорыя 22 | 93,417 | 76,665 |
| Выкіды на 1 млн упаковак (унутраная вытворчасць) | 193.3 | 180.2 |
|
Заўвага:
1 Да катэгорыі 1 адносяцца выкіды, якія генеруюцца на вытворчых пляцоўках/у офісах, вызначаныя з улікам энергаспажывання 2 Да катэгорыі 2 адносіцца ўздзеянне, звязанае з набытымі сертыфікатамі атрыбутаў генерацыі энергіі 3 Разлікі ажыццяўляліся на падставе колькасці ўпаковак уласнай вытворчасці з улікам перамяшчэнняў прадукцыі паміж вытворчымі пляцоўкамі і адзінымі ўпаковачнымі цэнтрамі. |
||
| Апрацоўка адходаў/утылізавана (т) | 2020 | 2021 |
|---|---|---|
| Небяспечныя адходы (перапрацаваныя/неперапрацаваныя або пахаваныя) | 700 / 419 | 627 / 446 |
| Бяспечныя адходы (перапрацаваныя/неперапрацаваныя або пахаваныя) | 2,415 / 1,015 | 2,896 / 1,364 |
| Эфект ад выкарыстання для ўпакоўкі прадукцыі каробак з перапрацаванага кардону |
||
|---|---|---|
| 1т | 2021 (1,293.9 т) | |
| Эканомія электраэнергіі (МВт) | 4,200 кВт | 5,434.4 МВт |
| Эканомія вады (м3) | 32,000 | 41,404,800 |
| Захавана дрэў (шт.) | 17 | 21,996 |
STADA прызнае, што толькі распачынае шлях устойлівага развіцця і імкнецца больш мэтанакіравана інтэграваць аспекты ўстойлівага развіцця з сваю вытворчую дзейнасць. Група разумее, што павінна працягваць рух па гэтым шляху і вызначыць сферы дзейнасці, якія вымагаюць паляпшэння, пачынаючы з зыходнага пункта ў 2021 годзе, такія як:
| У сферы ESG | Канкрэтны кірунак | Абавязацельствы STADA |
|---|---|---|
| E | Выкіды вуглякіслага газу | Дабіцца скарачэння выкідаў вуглякіслага газу на 42% (у перыяд 2020-2030 гг.) з мэтай падтрымаць мэтавы паказчык абмежавання глабальнага пацяплення да 1,5 °С, у прыватнасці, за кошт павелічэння энергаэфектыўнасці і выкарыстання энергіі з узнаўляльных крыніц. |
| Экалагічная прадукцыя і ўпакоўка | Цалкам рэалізаваць стратэгію сацыяльнай адказнасці пры распрацоўцы прадуктаў і ўпакоўкі: метадалогія «Прыбіранне, скарачэнне, паўторнае выкарыстанне, перапрацоўка, паўторнае напаўненне». | |
| S | Этнакультурная разнастайнасць/гендарная роўнасць | Прадоўжыць павелічэнне працэнта жанчын, якія займаюць кіруючыя пасады, на ўсіх трох узроўнях кіраўніцтва. |
| Бяспека на вытворчасці | Павысіць паказчыкі бяспечнасці і дасягнуць мэтавага паказчыка STADA «частата інцыдэнтаў са стратай працоўнага часу» менш за 0,35. | |
| G | Адказныя закупкі | У 2022 годзе распрацаваць стратэгію адказных закупак як аснову для вызначэння больш канкрэтных мэт і пачаць яе ўкараненне. |
| Справаздачнасць па дадзеным ESG | Узгадніць і ўдасканальваць працэсы адсочвання глабальных дадзеных у сферы экалагічнага, сацыяльнага і карпаратыўнага кіравання па ўсіх значных параметрах. | |
|
Заўвага:
Прынятыя абавязацельствы разглядаюцца адносна бягучых паказчыкаў па адпаведных накірунках, прапанаваных у дадзенай справаздачы, а таксама ў Гадавой справаздачы STADA за 2021 год. |
||
З поўным аглядам фактаў і высноў пра дзейнасць Групы STADA ў галіне ўстойлівага развіцця можна пазнаёміцца ў глабальнай версіі справаздачы.
